ატმოსფერული ჰაერის დაცვის შესახებ“ საქართველოს კანონის 71 მუხლის მიხედვით, საქმიანობის განმახორციელებელი, რომელიც ფლობს 3 კგ ან 3 კგ-ზე მეტ მაცივარაგენტზე მომუშავე სტაციონარულ მოწყობილობას, აგრეთვე ტექნიკოსი, რომელიც ემსახურება ჰაერის კონდიცირებისა და სამაცივრო მოწყობილობებს ან თბურ ტუმბოებს, ვალდებული არიან:
- ა) აწარმოონ სარეგისტრაციო ჟურნალი, რომელშიც აღირიცხება მოწყობილობის მომსახურება და მოხმარებული მაცივარაგენტების რაოდენობა. პირველი ჟურნალის გახსნის შესახებ უნდა ეცნობოს საქართველოს გარემოს დაცვისა და სოფლის მეურნეობის სამინისტროს.
- ბ) საქართველოს გარემოს დაცვისა და სოფლის მეურნეობის სამინისტროს (ქ. თბილისი, მარშალ გელოვანის ქ. N6, info@mepa.gov.ge) ყოველწლიურად, 1 მარტამდე შესათანხმებლად წარუდგინონ ინფორმაცია გასულ წელს მოხმარებული მაცივარაგენტების რაოდენობის შესახებ, მაცივარაგენტების მოხმარების ანგარიშგების ფორმის შესაბამისად.
მაცივარაგენტების მოხმარების ანგარიშგების ფორმა სამინისტროში წარდგენილი უნდა იქნეს იმ შემთხვევაშიც, თუ 3 კგ ან 3 კგ-ზე მეტ მაცივარაგენტზე მომუშავე სტაციონარული მოწყობილობის მფლობელს, აგრეთვე ტექნიკოსს, გასული წლის განმავლობაში შესაბამისი მომსახურება არ მიუღია/მომსახურება არ გაუწევია.
ვის შეეხება ეს?
ვენტილაციის, კონდიცირების, გათბობის, ჰაერით გათბობის და გაციების დანადგარებს, მათ შორის: არხული, კასეტური, კოლონური და სპლიტ კონდიციონერები, იატაკზე დასადგამი კონდიციონერები,ჩილერები, VRV, VRF და AHU სისტემების მფლობელებს.
რას გთავაზობთ?
- სერთიფიცირებული ტექნიკოსის გამოყოფას და მუდმივ მონიტორინგს;
- სახელმწიფო აღრიცხვასა და ანგარიშგების წარმოებას;
- გაჟონვის შემოწმებას და პერიოდულ რეპორტინგს;
- სრულ პასუხისმგებლობას სახელმწიფო საზედამხედველო ორგანოების წინაშე;